Os Reis Magos en Santa Cruz

Como cada ano as súas maxestades de oriente visitan Santa Cruz! Este sábado 4 de Xaneiro teñen unha apretada axenda.

1483135_579591005466295_506910491_n

A partir das 17:00 h as cantareiras de Santaia recibirán no Teatro das Torres ás súas maxestades a golpe de muiñeira, xota e maneo. De seguido, os gaiteiros encargaranse de guiar ós reis magos por todo o pobo, saúdando ós rapaces e repartindo moreas de caramelos. Sobre as 18:00h no Centro Cívico, os nenos e nenas de Santa Cruz poderán entregarlle en persoa as súas cartas e pedir os seus agasallos ós reis. Haberá chocolate e roscón para todos os asistentes!!

IMG-20130112-WA0008

Como xa é habitual nas actividades da asociación de veciños Santaia de Santa Cruz, estará á disposición de todos os asistentes o caixón solidario, onde poderedes deixar produtos de hixiene, limpeza e alimentos no perecedeiros para colaborar co banco de alimentos de Oleiros.

Vémonos alí 😉

Advertisements

1ª Comida anual Santaia

comida santaia

ATENCIÓN ATENCIÓN! Xa é hora de facer a primeira comida do Grupo de baile e gaitas Santaia ó completo: músicos, bailaríns, pandereteiras, percusionistas, amigos, pais, irmáns, avós… a gran familia de Santaia!

Cando? O sábado 18 de Xaneiro de 2014 ás 14:30h
Onde? No Hotel restaurante as Galeras
Canto? Hai un prezo para adultos (menú de 22€) e un prezo para os nenos ata 12 anos (menú de 10€)
Como inscribirse? No Centro Cívico (avisando a Isa) ou nos ensaios de gaita (avisando a Fran ou Pablo). A data límite de inscripción é o 10 de Xaneiro!

A que estades esperando? Será a comida do ano!

Avisade a todos os vosos familiares e amigos, e vinde a celebrar o comezo do ano con moita música, moito baile e sobre todo moita festa!

Vémonos ali 😉

Festival solidario “Móvete por Filipinas”

O próximo venres 13 de Decembro o grupo de baile e gaitas Santaia participará no festival solidario “Móvete por Filipinas”. Unha iniciativa que xorde da ANPA Bidueiro, do colexio Parga Pondal de Santa Cruz , co fin de concienciar á comunidade educativa do desastre natural que tivo lugar neste pais.

Móvete por FilipinasA partir das 18:30 h e ata ás 21:00h terá lugar o festival no pavillón de deportes Arsenio Iglesias, xunto o Colexio. Preparádevos para desfrutar de todo tipo de actividades e actuacións: mercadillo solidario con artículos de entre 1 e 3 €, actuacións dos alumnos do colexio, unha master class ofrecida polos ximnasios do concello, doces de todo tipo, artículos navideños e moita diversión. A entrada é de 1€ para os nenos e 2€ para os adultos, e con ela, poderedes participar dos sorteos que se realizarán ó longo do Festival. A recadación íntegra das entradas e das vendas do mercadillo irán a parar a unha ONG implicada na reconstrucción de Filipinas.

E nós, tamén participaremos neste festival! Dende os máis pequenos ós maiores de todo, actuarán ó longo da tarde para amenizar esta gran festa solidaria. Gaiteiros, bailaríns, pandereteiras…. todos colaborando con este bonito proxecto.

Se queredes saber máis sobre como colaborar, como xurdiu esta iniciativa ou máis detalles sobre as actividades e actuacións do Festival, ollade a Web do ANPA Biduieiro, e non dubidedes en poñervos en contacto con eles.

Esperamos vervos a todos 🙂

Repichocas, o CD de Santaia

libro

No mes de Outubro de 2006 tivemos a gran sorte de gravar o noso propio CD: Repichocas!
Conta con case vinte pezas tocadas e cantadas polos compoñentes do grupo Santaia.
Dende pasodobres a xotas, pasando por muiñeiras e rumbas, Repichocas pretende ser a carta de presentación do noso grupo, alá onde imos.
Este proxecto foi posible grazas á colaboración conxunta da Deputación da Coruña, a Fundación Paideia e o Estudo de Gravación Mans, que nos brindaron todo o seu apoio para facer realidade unha gran ilusión.

grabando1

O título deste CD, Repichoca, ten un importante significado para nós: ademais de ser un nome popular co que se identifica unha peza musical galega; a rúa do Repicho forma parte da esencia de Santa Cruz.  Polo que non había nome mellor para chamarlle á esencia do grupo Santaia.
Se aínda non tedes o voso CD para poder escoitar un gran repertorio de música galega, non o dubidedes! Poñédevos en contacto con nós e encargade o voso disco. Perfecto para amenizar calqueira ocasión, regalar nun momento de celebración ou facer das festas máis festas aínda!
interior

Comezamos un novo curso!

Estandarte SantaiaXa está todo a punto para comezar un novo curso! Ide preparando a gaita, pandeireta, tambor e os zapatos para vir a ensaiar, a partir deste sábado verémonos moito!

Este ano empeza con moitas novidades: cambios de horarios, de profesores, novos proxectos de futuro… e por iso queremos vervos a todos este Venres 4 de Outubro, ás 20:30 h nas Torres de Santa Cruz, para informarvos de todo o que acontecerá, poñer ideas en común e arrincar o curso coas pilas ben cargadas.

Comezamos este ano con moitas gañas, moita ilusión e moita forza para seguir facendo o que nos gusta, e nos encantaría poder compartilo contigo. Se queres saber que facemos, cando ensaiamos e o ben que o pasamos, podes entrar na nosa canle de Youtube ou no nosa páxina de Facebook e estarás ó tanto de todo o que acontece en Santaia!

Arrincamos!

Santa Cruz en Festas

O grupo Santaia está ubicado no pobo costeiro de Santa Cruz, no Concello de Oleiros. Cada verán, durante o cuarto fin de semana do mes de Agosto celebramos as Festas do noso pobo, e cada ano, todo o grupo, dende os máis pequenos ós maiores participan durante estas festas facendo o que máis lles gusta: bailar e tocar todos xuntos!

O grupo Santaia levando o Ramo (ano 2008)O Domingo das festas, dende moi cedo pola mañá, cuartetos de gaiteiros percorren todo o pobo por diferentes circuitos espertando a todo o mundo coas alboradas. Anuncian un día especial! A panificadora de Santa Cruz fai cada ano un “ramo” con forma de tarta xigante que acompañamos en procesión á Igrexa de Santa Eulalia de Liáns todos xuntos. Antigamente representaba a fertilidade dos campos e un bo ano de labranza e colleita. Despois da misa do seu propio nome, a misa do Ramo, unha familia leva para á súa casa este gran biscoito, para compartilo con todo o mundo.

Festas de Santa Cruz 2013Non pasa nada se este ano non puidestes asistir, xa que todos os anos, o cuarto Domingo de Agosto, alí estaremos! Encantados de compartir o noso folclore con todos vós!Na saida da Igrexa e antes de xantar todos xuntos, o Grupo de Baile e Gaitas ofrece unha actuación moi especial para toda a xente do pobo; na que non falta o baile e a música, para despedir o verán a ritmo de muiñeira.

Se queredes ver algunha imaxe da actuación desde ano, non tendes máis que entrar na nosa galería de imaxes, ou visitar o noso perfil de Facebook, onde encontraredes a reportaxe completa.
Felices Festas de Santa Cruz para todos!

Festas de Santa Cruz 2013

Viaxe a Vila Verde

O pasado 11 de agosto o noso grupo de baile e gaitas tivo a sorte de participar no festival folclórico de Vila Verde, Braga. Os nosos veciños do Rancho Folclórico de San Martinho de Moure conmemoraban o seu 25 aniversario e contaron coa actuación de 4 grupos convidados.

O bus agardábanos cediño pola mañá para comezar a nosa rota. Entre cantigas, risas e algunha soneca o camiño fíxose curto e chegamos a Vila Verde ben e en tempo.

4 2

O noso anfitrión recibiunos agarimosamente e de seguido encamiñámonos a Braga. Alí visitamos o Bom Jesus, mosteiro que ten uns xardíns magníficos e unhas vistas abraiantes da cidade. O sol brillaba forte e xa iamos intuíndo o que sería unha xornada de moita calor.

Vila Verde, Braga

Pasámolo moi ben na actuación e o escenario era grande para bailar e tocar a gusto.Despois de xantar e dunha longa e entretida sobremesa empezamos a prepararnos para a actuación. A calor xa era abonda e os refaixos e mantóns non axudaban a manternos frescas. Menos mal que botabamos man da auga, dos abanos e do bo humor. 

Unha vez cambiados e ceados, xa á noitiña e pola fresca puidemos acompañar e desfrutar da actuación do noso grupo anfitrión, que cerrou a mostra.

Resultou unha bonita experiencia, oxalá veñan moitas actuacións e excursións así.

Xa están dispoñibles na nosa galería algunhas imaxes da viaxe e a actuación, para non perder detalle! E se queredes ver todavía máis…. na nosa páxina de Facebook están todas elas.

Vila Verde, Braga Vila Verde, Braga

Crónica dunha Foliada

Este 20 de xullo non foi igual ao resto de 20 de xullos de anos pasados. Soou diferente, sentiuse diferente, bailouse diferente. Este 20 de xullo foi o comezo das nosas foliadas en Santa Cruz.
I Foliada SantaiaO ambiente de festa respirábase dende ben cedo pola mañá e os músicos non defraudaron. A Maristela alentou os veciños, os Rueiriños e Cántigas da Terra animaban ao baile e Rexoubeiras e Donaire souberon conseguir que o espírito da foliada estivese sempre presente. Os gaiteiros e pandereteiras non deixaron de soar en toda a noite. Nunca unha praza recén inaugurada coma a dedicada a Esther Pita puido ter mellor estrea.

Muiñeiras, xotas, rumbas e pasodobres ambientaron unha festa tradicional de verán e tan de noso. Nada disto tería sido posible sen a colaboración desinteresada do grupo de baile e gaitas Santaia e da Asociación de Veciños de Santa Cruz.

I Foliada Santaia

Gustaríanos facer especial mención a Sandra, coordinadora incansable, sempre disposta a axudar e

a Esther Pita, madriña do grupo e cociñeira dos chourizos que os veciños de Santa Cruz máis desexan.

Se queredes ver algunha foto desta gran festa asomádevos á nosa galería de imaxes para poder revivir algún dos mellores momentos. E se queredes ver a reportaxe completa… visitade a nosa páxina de Facebook!

Esperamos que todos o pasárades tan ben coma nós. Dende logo repetiremos. Vémonos na II Foliada de Santa Cruz para o ano que vén. Moitas grazas de novo!

I FOLIADA SANTAIA

Cartel foliada

Os preparativos non foron doados… pero por fin temos o pracer de presentar a primeira foliada SANTAIA. O día 20 de Xullo a partir das 21:00h estaremos na recén inaugurada praza de Esther Pita, en Santa Cruz, celebrando o día da Patria da Galega da mellor forma posible: bailando e desfrutando todos xuntos de boa música.

Para facer que este día sexa inesquecible contaremos coa participación do grupo de baile A Maristela de Sobrado dos Monxes, os Rueiriños de Nós, Cántigas da Terra, Rebuxeiras da A.C. Xacarandaina e a A.C. Donaire. Moitas gracias a todos por acompañarnos nesta aventura.

E non vai ser todo bailar e tocar. Todos os que vos acheguedes á Foliada poderedes probar os primeiros bocadillos de chourizo da temporada, preparados coma sempre da man das mellores cociñeiras. O bochinche estará preparado para dar de beber ás gorxas cansadas e no stand do Grupo de baile e gaitas encontraredes CDs e camisetas á venda para levar Santaia alí onde vaiades. Tamén contaremos con pandeiretas e zocos para poder completar o vestiario de todos os bailadores, e que todo o que queira comece a practicar muiñeira!

E aínda non rematamos… durante toda a noite teremos á venda rifas a 1€ para poder participar no sorteo de increibles premios, colaborando desta forma coa Asociación de Veciños Santaia de Santa Cruz!

Esperámosvos con moitas gañas de festa en Santa Cruz!

XXXIII Xuntanza Mariñana

Este Domingo día 7 de Xullo, a partir das 11:30h no campo da festa de Dorneda hai unha cita á que non podes faltar! Un ano máis, a Xuntanza Mariñana é unha data obrigada para os grupos da comarca, para amosar o seu mellor repertorio e desfrutar dun día único compartindo o mellor folclore.

Xuntanza Mariñana

Este ano, o grupo Dorna de Dorneda encárgase de organizar a XXXIII edición desta festa, e por suposto Santaia acudirá, como cada ano aportando o seu grao de area.

Xa van máis de 30 anos que os grupos de baile e música tradicional  da comarca das mariñas xuntámonos para compartir  este día, e este ano estaremos enriba do escenario os grupos Dorna (Dorneda), A Marola (Mera), Folliñas (Oleiros), As Mariñas (Cambre), San Xoán de Ouces (Bergondo), Semente Nova (Perillo) e nós, o grupo Santaia de Santa Cruz.

Xuntanza Mariñana 11

A pasada edición celebrada en San Pedro de Nós deixou o listón moi alto, pero non dubidamos que este ano será aínda mellor. Fai un oco na túa axenda e vémonos o Domingo en Dorneda!