Xa está aquí a II Foliada Santaia!

II Foliada_CARTEL a3-01

Tras o éxito da primera Foliada… comprácenos convidarvos a todos á II FOLIADA de SANTAIA! O día 19 de Xullo a partir das 19:00h na praza Esther Pita, en Santa Cruz, para celebrar o día da Patria da Galega da mellor forma posible: bailando e desfrutando todos xuntos de boa música.

A partir das 19:00 h contaremos coa actuación do grupo folclórico de baile L’Artusu, dende Mieres; a asociación cultural Punteirolo, de Vila de Cruces; e o grupo de baile e gaitas Santaia.

Tras a quenda de actuacións daremos paso á FOLIADA LIBRE (a partir das 21:00h) á que convidamos a todo o mundo a participar e acompañarnos para facer deste evento unha festa inesquecible! Estade moi atentos á nosa páxina de Facebook, porque nos vindeiros días confirmaremos os grupos asistentes 😉

E non vai ser todo bailar e tocar. Todos os que vos acheguedes á Foliada poderedes probar os primeiros bocadillos de chourizo da tempada, preparados coma sempre da man das mellores cociñeiras. O bochinche estará preparado para dar de beber ás gorxas cansadas e no stand do Grupo de baile e gaitas encontraredes CDs e camisetas á venda para levar Santaia por todo o mundo. Tamén contaremos con pandeiretas, zocos e todo tipo de complementos para poder actualizar o vestiario de todos os bailadores, e que todo o que queira comece a bailar muiñeira!

E aínda non rematamos… durante toda a noite teremos á venda rifas a 1€ para poder participar no sorteo de incribles premios, colaborando desta forma coa Asociación de Veciños Santaia de Santa Cruz!

Aínda non estades convencidos? Será a festa do verán! Esperámosvos en Santa Cruz 🙂

Advertisements

Un comentario en “Xa está aquí a II Foliada Santaia!

  1. Pingback: II Foliada Santaia | Oleiros TVi: la TV interactiva de Oleiros

Os comentarios están pechados.